Namiq Qaraçuxurlu feat Elvin Mehmanlı - Belə olmayaydı kaş

Yad dediyin edir sənə köməyi,

Dost dediyin qırıb gedir ürəyi.

Sən yetər ki, ayaqda dur, yıxılma

Vermə fikir dərd eləmə heçnəyi



Hamı yalan can deyir, ay sənə qurban deyir,

Amma düşürsən dara orda səni atıb gedir.

Dəyər verdiyin o adam çox ucuza satıb gedir,

Həyatdı bu saf eşq, sevgi batıb gedir.



Nə vaxt dəyişdi zaman, olubdu ömür yalan

Gündüz əlində çıraq, doğrunu gəzir insan

Belə olmayaydı kaş, hər kəsdə qorxu təlaş

Yaxşı dost, təmiz sevgi azalır yavaş- yavaş



Yaxın bilib sonra kəsirsən çörək

Nə vaxt desə ona eləyirsən kömək

Sonda görürsən ki, yalandı hər şey

Küsür hamıdan tamam qırılır ürək



Bəs günahı kimdədi, bəlkə də qəlbimdədi

Hamı deyir eyni şey indi zaman belədir

Səninçün ölərəm deyə, əməldə yox dildədi

Düz yaşamaq hər kəsin öz əlindədi.