Bahrom Nazarov - Yomon ekanda

Bu taqdirning qo’llarida,
Inson hayot yo’llarida,
Kulib turgan omadidan
Ayrilgani yomon ekanda.Yo’qlab kelmas biror kishi,
Tobora ortar tashvishi,
Kecha oson bitgan ishi
Bitmay qolsa, yomon ekanda.Kecha seni qilib e’zoz,
Poyingga bo’lib poyandoz,
Bugun o’shal masxaraboz
Pand bergani yomon ekanda.Bu taqdirning qo’llarida,
Inson hayot yo’llarida,
Kulib turgan omadidan
Ayrilgani yomon ekanda.Yomon, yomon, yomon ekanda,
Yolg’iz qolish yomon ekanda.
Yomon, yomon, yomon ekanda,
Omad ketsa, yomon ekanda.Quloq solmay do’st so’ziga,
Kecha urganding yuziga,
Hol so’rab kelsa, ko’ziga
Qarolmasang, yomon ekanda.Kecha ho’b zamon ekanda,
Hamma sen tomon ekanda,
Bugun xatolaring sanab,
Afsus qilsang, yomon ekanda.Ko’ngil emas hamyonga yor,
Kelgan davr-u davronga yor,
Davring ketsa, o’sha nigor
Sendan qochsa, yomon ekanda.Haqqa ayon qilg’ilig’i,
Iymon buzar goh qilig’i,
Yor deganing u bor-yo’g’i
Dilsiz chiqsa, yomon ekanda.Kuyinma ko’p dilim aslo,
Bu shundayin g’alat dunyo.
Gar “Ol, qulim”, desa Xudo,
Egik boshing osmon ekanda.Yomon, yomon, yomon ekanda,
Yolg’iz qolish yomon ekanda.
Yomon, yomon, yomon ekanda,
Omad ketsa, yomon ekanda.