Abduvali Rajabov - Arazlamang

Atirgullar terdim bugun yor uchun,
Yo`l oldim men unda ko`nglim bor uchun.
U esa mendan xafa bugun ne uchun?
Arazlamang, bo`ldi jonim, bas yetar.

Mendan o`tgan bo`lsa bordir bir xato,
Shu xato deb endi qilmang ming ado.
Siz tomonga yuragimdan bir nido:
Arazlamang, jonim bo`ldi, bas yetar.

Arazlamang, jonim bo`ldi, bas yetar,
Bir kulsangiz, dardu-alam tark etar. (x4)

Kutaverib bardoshlarim qolmadi,
Sizni ko`rmay kunlarim hech o`tmadi.
Ko`z oldimdan chiroyingiz ketmadi,
Arazlamang, jonim bo`ldi, bas yetar.

Sog`inchimga tunda guvoh yulduzlar,
Bizga qarab qilsin hamma havaslar.
Yarashmaydi sizga bunday arazlar,
Arazlamang, jonim bo`ldi, bas yetar.

Arazlamang, jonim bo`ldi, bas yetar,
Bir kulsangiz, dardu-alam tark etar. (x4+x4)