Muzaffar Mirzarahimov - Eslagin

Yomg`ir tomchilari oynangni chertsa,
Bir zumga halovat seni tark etsa,
Oxir afsuslaring joningdan o`tsa,
Bir bora eslab qo`y, meni eslab qo`y.

Kipriklar cho`milsa tinmay yoshlarga,
Orzular ko`milsa qoyatoshlarga,
Hasratlar ilinsa ko`z-u qoshlarga,
Bir bora eslab qo`y, meni eslab qo`y.

Eslagin, eslagin, suratlarda xotira,
Eslagin, eslagin, tortib bormoqda xira.
Eslagin, eslagin, hech bo`lmasa qolayin,
Eslagin, eslagin, senga bo`lib xotira.

Sog`inchlar kezganda ko`ngil bog`ida,
Bulbullar sayrasa bahor chog`ida,
Mayli qachonlardir baxt quchog`ida
Bir bora eslab qo`y, meni eslab qo`y.

Menchalik sevolmas o`zgalar balkim,
Ne sabab bilmadim, xayrlashdik jim.
Ko`nglingga sig`mayin qolganda hech kim,
Bir bora eslab qo`y, meni eslab qo`y.

Eslagin, eslagin, suratlarda xotira,
Eslagin, eslagin, tortib bormoqda xira.
Eslagin, eslagin, hech bo`lmasa qolayin,
Eslagin, eslagin, senga bo`lib xotira. (x1+x1)